.

Ikigega cy’igihugu gitera inkunga imishinga irengera ibidukikije.

Ireme Invest ni gahunda yashyiriweho abikorera mu Rwanda hagamijwe gushyigikira imishinga yabo irengera ibidukikije no gufasha igihugu guhangana n’imihindagurikire y’ibihe. Ireme Invest itanga serivisi z’imari n’uburyo bwihariye mu rwego rwo koroshya no kwihutisha ishoramari rirengera ibidukikije.

Ireme Invest, binyuze mu ishami ryayo ryo gutegura imishinga (Project Preparation Facility) irashishikariza ba rwiyemezamirimo bakora ibijyanye n’imicungire y’imyanda no kubaka ubukungu bwisubira mu Rwanda gusaba inkunga n’ubufasha mu bya tekinike. 

Iyi nkunga n’ubufasha biraboneka kuri ba rwiyemezamirimo bafite udushya mu bijyanye n’ubukungu bwisubira ndetse no kugabanya no gucunga neza imyanda, bari mu byiciro byose baba bagitangira cyangwa abamaze igihe bakora.

Iyi gahunda ya Ireme Invest yo gutera inkunga abakora ibijyanye n’ubukungu bwisubira yashyizwe mu bikorwa n’Ikigega cy’Igihugu cy’Ibidukikije (Rwanda Green Fund) ku nkunga y’ikigo cya leta y’Ubudage gishinzwe itarembere (GIZ) binyuze mu rwego rw’ubufatanye bw’u Rwanda n’Ubudage muby’ Imihindagurkire y’Ibihe n’Iterambere ku bufatanye na Impact Hub Kigali.

Iyi gahunda ya Ireme Invest yo gutera inkunga abakora ibijyanye n’ubukungu bwisubira no gucunga imyanda irakira ubusabe mu nzego zose z’abikorera. Kugabanya imyanda, kongera gukoresha ibyakoreshweje, no gukuraho burundu imyanda bishobora kugorwa mu buryo bunyuranye kandi mu byiciro ibyaribyo byose by’ubucuruzi.

Ba rwiyemezamirimo babyifuza barashishikarizwa gusura uru rubuga bakamenya byinshi kurushaho bakanatanga ubusabe bwabo.

Gusaba inkunga muri iyi gahunda bizarangira Kuwa Mbere, tariki ya 23 Ukwakira 2023 saa kumi n’imwe z’umugoroba (17:00).

Soma inyandiko irimo ibisobanuro birambuye hano.

IBIGIZE IYI GAHUNDA N’IGIHE IZAMARA

Iyi gahunda igizwe n’ibyiciro bibiri: 

Icyiciro cya Mbere: Kunoza Igitekerezo n’Ubucuruzi

Mu cyiciro cya mbere, ba rwiyemezamirimo 30 bazatoranywa bitabire amahugurwa y’amezi ane. Bimwe mubyo bazungukira muri aya mahugurwa harimo kugirwa inama n’inzobere, n’abatoza ndetse n’amahirwe yo gutanga imbanzirizamushinga bakaba muri ba rwiyemezamirimo 10 bazabona inkunga. 

Icyiciro cya Kabiri: Gutanga Inkunga no Kumurika Imishinga

Mu cyiciro cya kabiri, ba rwiyemezamirimo 10 bazaba bafite imbanzirizamushinga zihiga izindi bazabona inkunga igera kuri Miliyoni 60 z’amafaranga y’u Rwanda hagendewe ku gihe ibikorwa byabo bimaze cyangwa ubwoko bwabyo. Aba ba rwiyemezamirimo n’abacuruzi kandi bazabona ubufasha bunyuranye mu by’ubucuruzi, ndetse n’amahirwe yo guhura n’abashoramari mu rwego bakoramo mu muhango wo kumurika imishinga izaba yaratewe inkunga na gahund aya Ireme Invest. 

NINDE WASABA INKUNGA?

Iyi gahunda yahariwe ba rwiyemezamirimo n’abakora ubucuruzi mu bijyanye n’imicungire y’imyanda no kubaka ubukungu bwisubira mu Rwanda.

Abazemererwa gusaba inkunga barasabwa kwitabira ibikorwa byose by’iyi gahunda, harimo kujya mu mahugurwa yashyizweho. Abazitabira neza ku buryo bugaragara bakanatanga imbanzirizamushinga zihiga izindi nibo bazahabwa inkunga.

Rwiyemezamirimo cyangwa ukora ubucuruzi agomba kuzuza ibisabwa bikurikira:

  • Kuba ikigo kigomba kuba gikora ibijyanye no guteza imbere imicungire y’imyanda n’ubukungu bwisubira
  • Kuba akorera mu Rwanda
  • Kuba yiteguye kwitabira ibikorwa biteganyijwe byose muri iyi gahunda

IGIHE GAHUNDA IZAMARA

Iyi gahunda izamara amezi ane, kuva mu Ukuboza 2023 kugeza muri Mata 2024. Abazitabira bazatanga inyandiko z’imishinga yabo ngo iterwe inkunga muri Mata 2024.

Ba rwiyemezamirimo 10 bazatsindira inkunga bazatangazwa muri Gicurasi 2024. Hazakurikiraho guhabwa ubufasha mubya tekinike mu gihe cy’amezi atatu kugirango inkunga ikoreshwe neza. 

UKO WASABA INKUNGA

Mu gihe urubuga rwafunguwe, ubusabe bushobora gutangwa. Kuzuza ibisabwa ugatanga ubusabe niyo ntambwe ya mbere yo kwitabira iyi gahunda ukaba wanahabwa inkunga itangwa na Ireme Invest.

Uko Bikorwa

  • Gusaba kwitabira iyi gahunda, ubusabe bwoherezwa mu buryo bw’ikoranabuhanga hifashishijwe urubuga rwa Ireme Invest ruboneka hano. 
  • Abasaba bose ku nshuro ya mbere barasabwa gufungura konti mu buryo bw’ikoranabuhanga ku rubuga rusabirwaho inkunga. Abasaba inkunga bazahabwa amahirwe yo kubaza ibibazo haba mu biganiro ndetse no guhura imbonankubone n’itsinda ry’Ikigega cy’Igihugu cy’Ibidukikije kugirango basobanurirwe byimbitse.

Icyitonderwa: Kuzana inyandiko mu ntoki cyangwa gutanga inyandiko kuri imeri (email) ntibizemerwa.

 

Umushinga ugomba kuba ugamije kugabanya no guteza imbere imicungire myiza y’imyanda

Kuba ibikorwa bikorerwa mu Rwanda

Umushinga ugomba kuba ugaragaza neza uko ubucuruzi buzakorwa

Umushinga ugomba kuba bwujuje amabwiriza agenga kurengera ibidukikije

Umushinga ugomba kuba ujyanye n’intego z’igihugu/mpuzamahanga zo guhangana n’imihindagurikire y’ibihe

Rwiyemezamirimo agomba kugaragaza ko ubushobozi bwo gushyira mu bikorwa umushinga

Ba rwiyemezamirimo 10 bazaba bazemezwa bazabona inkunga igera kuri miliyoni 60 z’amafaranga y’u Rwanda hagendewe ku gihe ibikorwa byabo bimaze cyangwa ubwoko bwabyo. 

Ku musozo w’iyi gahunda, aba ba rwiyemezamirimo n’abakora ubucuruzi bazagira amahirwe yo kumurika ibikorwa na serivisi zabo mu muhango uzwi nka “Demo Day”. Uyu muhango uzatanga amahirwe yo gukurura abandi bashoramari bashora imari yatuma ibikorwa by’umushinga w’ubucuruzi bikomeza gukora na nyuma y’iyi gahunda.

TANGA UBUSABE HANO